ATV škoļneicys pīdolās runas konkursā “Taiseits Latgolā”

Ituo goda 23. oktobrī Daugavpils Universitatī nūtyka Daugavpils Valsts ģimnazejis organizeitais publiskuos runys konkurss.

Konkursam vajadzieja sagatavuot runu latvīšu voi latgalīšu volūdā par divejom lītom voi idejom, kas saistās ar tēmu “Taiseits Latgolā”. 11.b klasis škoļneica Viktorija Ratkeviča stuosteja par Jāņa Elkšņa darbeibu gruomotneiceibā i Latgalīšu volūdys nakti i īgiva 3. vītu, Viktorija Maksimova (11.a) īgiva 2. vītu, stuostēdama par Anneli Slišāni, juos 100 dečim Latvejai i Juri Cibuli, bet 12. klasis škoļneica Jūlija Tumanovska stuosteja par “Muzykys skrytuli” i Daugavpils Šmakovkys muzeju i īgiva 1. vītu. Konkursā varēja klausētīs arī stuostejumus arī par cytu škoļņeicu individualīm projektim, motivejūšys runys par uzjiemiejim i breivpruoteiguo dorba īspiejom. Konkurence beja lela, i cytu školnīku dorbus klausētīs beja cīši interesanti. Pasuokuma nūslāgumā vysi daleibnīki tyka pi duovonom nu Daugavpils Valsts ģimnazejis.

Jūlija Tumanovska,
ATV 12.kl.škoļneica